Մամուլ

«Ռոյթեր» գործակալությունը Լոնդոնից հաղորդում է, որ Ժիրայր Միսակյանը հուշագիր է ներկայացրել Արտգործնախարարների խարհրդաժողովին՝կոչ անելով նախագիծ մշակել Թուրքիայի զրկելու բոլոր իրավունքներից եւ իրավասություններից, որոնք Վ. Վիլսոնի կողմից վերապահված էին Հայաստանին:

Ամերիկայի Հայ Դատի հանձնախումբը դիմել է երեք մեծ պետությունների ղեկավարներին՝պահանջելով Սեւրի դաշնագրով եւ վիլսոնյան սահմանագծով նշված հայկական հողերը միացնել ՍՀ-ին:

Ամերիկահայ ազգային խորհուրդը դիմել է ԱՄՆ նախագահ Հ. Տրումենին եւ արտգործնախարար Բրնսին՝պահանջելով ՍՀ-ն ճանաչել Վ. Վիլսոնի գծած սահմաններով:

«Տասս» գործակալության թղթակիցը Նյու Յորքից Հայտնում է, որ Ամերիկայի հայկական կազմակերպությունները պարբերաբար ցույցեր են անցկացնում Թուրքիայից զավթված հայկական հողերը ՍՀ-ին միացնելու պահանջով:

Ամերիկայի Հայ ավետարանականների միությունը դիմել է Լոնդոնում ընթացող Արտգործնախարարների խորհրդաժողովին՝կոչ անելով հնարավորություն տալ հայ ժողովրդին վերադառնալ իր պատմական հայրենիքը:

Եգիպտոսի Ալեքսանդրիա քաղաքում տեղի է ունեցել Եգիպտահայ համայնքի համագումարը, որտեղ որոշվել է նվիրատվությունների միջոցով հայրենիք ուղարկելու համար կոշիկի ֆոնդ ստեղծել:

Իրանի կառավարության կողմից փակված «Դարիա» օրաթերթը վերաբացվելուց հետո սկսել է անդրադառնալ Հայկական Հարցին:

Ամերիկայի Հայ ավետարանական միությունը դիմել է ԱՄՆ արտաքին առաքելության քարտուղար Ֆրեդ Ֆ. Գուդսելին՝խնդրելով միջնորդել ԱՄՆ կառավարությանը Սան Ֆրանցիսկոյի համաժողովում Հայկական Դատը պաշտպանելու համար:

Ամերիկահայ ազգային խորհուրդը դիմել է Պոդստամում ընթացող երեք մեծ պետությունների ղեկավարների վեհաժողովին՝առաջարկելով օրակարգ բարձրացնել նաեւ Հայկական Հարցը: